Dünən futbol üzrə Azərbaycan Premyer Liqasında 12-ci turun oyunları keçirilib. Turun bütün qarşılaşmaları eyni gündə baş tutub.
Peşəkar Futbol Liqası (PFL) tərəfindən “YAŞAT turu” adlandırılan turun açılış matçında son illərin dəyişməz çempionu “Qarabağ” səfərdə “Qəbələ” ilə qarşılaşıb. Bu oyunda qalib müəyyənləşməyib - 1:1
Turnir cədvəlinin 2-ci pilləsində qərarlaşan “Zirə” Ayxan Abbasovun başçılıq etdiyi “Sumqayıt”ı qəbul edib. Dörd qolun qeydə alındığı bu oyun da bərabərliklə bitib. “Səbail” isə “Keşlə”nin qonağı olub və inamlı qələbəyə sevinib - 0:2.
Günün və turun son matçında “Neftçi” səfərdə “Sabah”la üz-üzə gəlib. “Neftçi” də səfərdə 2:0 hesablı qələbə qazanmaqla liderliyi ələ keçirib